முன்னாள் அமைச்சர் லொஹான் ரத்வத்த மற்றும் அவரது மனைவியை எதிர்வரும் டிசம்பர் 6 ஆம் திகதி வரை விளக்கமறியலில் வைக்க நுகேகொட நீதவான் நீதிமன்றம் இன்று (02) உத்தரவிட்டுள்ளது.
இலங்கையில் சட்டவிரோதமாக இறக்குமதி செய்யப்பட்டு, சொகுசு கார் ஒன்றை பயன்படுத்திய குற்றச்சாட்டில் கைது செய்யப்பட்ட முன்னாள் அமைச்சர் லொஹான் ரத்வத்த மற்றும் அவரது மனைவி ஷஷி பிரபா ரத்வத்த ஆகியோர் நுகேகொட நீதவான் நீதிமன்றத்தினால் இன்று (டிசம்பர் 02) வரை விளக்கமறியலில் வைக்கப்பட்டுள்ளனர்.
மிரிஹான, எம்புல்தெனிய பிரதேசத்தில் உள்ள மூன்று மாடி வீடொன்றில் இலக்கத்தகடு இல்லாத சொகுசு கார் தொடர்பில் பொலிஸ் தலைமையகத்திற்கு கிடைத்த தகவலின் அடிப்படையில் மேற்கொள்ளப்பட்ட சோதனையின் போது குறித்த சொகுசு காரை பொலிஸார் கண்டுபிடித்துள்ளனர். முன்னாள் இராஜாங்க அமைச்சர் லொஹான் ரத்வத்த.
விசாரணையின் போது, ரத்வத்த மற்றும் அவரது மனைவி இருவரும், குறித்த வீட்டில் தனது மாமியார் வசிப்பதாக பொலிஸாரிடம் விளக்கமளித்துள்ளனர். அண்மையில் கண்டி, கட்டுகஸ்தோட்டை பகுதியில் துப்பாக்கிச் சூட்டுக் காயங்களுடன் சடலமாக மீட்கப்பட்ட ரத்வத்தவின் பிரத்தியேக செயலாளரால் பல வாரங்களுக்கு முன்னர் இந்த கார் அங்கு கொண்டு வரப்பட்டதாக அவர்கள் கூறியிருந்தனர்.
தன்னை பிணையில் விடுவிக்குமாறு கோரி முன்னாள் இராஜாங்க அமைச்சர் லொஹான் ரத்வத்த தாக்கல் செய்த மனுவை நவம்பர் 19ஆம் திகதி பரிசீலிக்க மேன்முறையீட்டு நீதிமன்றம் நவம்பர் 11ஆம் திகதி ஒத்திவைத்திருந்தது.
பொலிஸ் மா அதிபர் உள்ளிட்ட மனுவின் பிரதிவாதிகளுக்கு நீதிமன்றத்தில் உண்மைகளை முன்வைக்குமாறு நோட்டீஸ் அனுப்ப மனுதாரர் தரப்புக்கு நீதிபதி பெஞ்ச் உத்தரவிட்டுள்ளது.