தொடங்கொட, கெட்டகஹஹேன - நெஹின்ன வீதியில் நெஹின்ன பிரதேசத்தில் நேற்று (6) இரவு மோட்டார் சைக்கிள் மரத்தில் மோதி விபத்துக்குள்ளானதில் இருவர் உயிரிழந்துள்ளதாக தெரிவிக்கப்படுகின்றது.
கெட்டகஹஹேனவில் இருந்து நெஹின்ன நோக்கி பயணித்த மோட்டார் சைக்கிள், சாரதியின் கட்டுப்பாட்டை இழந்து வீதியை விட்டு விலகி மரத்தில் மோதி விபத்துக்குள்ளாகியுள்ளதாக தொடங்கொட பொலிஸார் தெரிவித்தனர்.
மோட்டார் சைக்கிளில் பயணித்தவரும், பின்சென்ற பயணிகளும் காயமடைந்த நிலையில் நாகொட மற்றும் வில்பாத வைத்தியசாலையில் அனுமதிக்கப்பட்ட பின்னர் உயிரிழந்துள்ளனர்.
உயிரிழந்தவர்கள் 37 மற்றும் 42 வயதுடைய நெஹின்ன மற்றும் நெபோட பிரதேசத்தை சேர்ந்தவர்கள். அவர்களது உடல்கள் அந்த மருத்துவமனைகளில் உள்ள பிணவறையில் வைக்கப்பட்டுள்ளன.
சம்பவம் தொடர்பான மேலதிக விசாரணைகளை தொடங்கொட பொலிஸார் மேற்கொண்டு வருகின்றனர்.